اضحك للدنيا تضحكلك ..

اضحك للدنيا تضحكلك
ولو حتي جواك نار
وخلي الفرح جوه قلبك
واجري وراه بالمشوار
مهو مش معقول تكشر
والدنيا حواليك بتكبر
خلي الضحكه جواك
وارسمها هنا وهناك

ضاقت الدنيا بيك
وما فيش حد حواليك
ربك هو اللي خلقك
شايفك وحاسس بيك
ماتقولش همي كبير
وظلمت نفسي كتير
ارمي حمولك وهمك
وكل امرك لربك
صدقني هيشيل عنك
وبنوره يشرح صدرك

ياعم فكها مالك
ده الدنيا مش بقيالك
عيشها وارسم في خيالك
كل اللي يجي في بالك
تلقى الدنيا جيالك
وكل ابوابها فتحالك
الدنيا اهي قدامك
يالا حقق احلامك
وابني بنفسك امالك
ارسم الضحكه علي خدك
ونور بيها شفايفك
ايه في الدنيا يهمك
عيشها وسلمها لربكHaia Nasir